လမ်းခွဲပြီးနောက်

Myanmar Online News Friday, September 6, 2013

ကွန်ပျူတာ ပိတ်ခါနီး ဘေးနားက စပီကာ (speaker) ရဲ့ အသံ (volume) ကိုအရင်ဆုံး အနိမ့်ဆုံး ရောက်အောင် လှည့်ပြီး မှ ပိတ်ပစ်လိုက်တယ်။
ဒါဟာလည်း အခုတော့ ကျွန်မ ရဲ့ ကျင့်သားရနေပြီဖြစ်တဲ့ အကျင့်လေး တစ်ခုပါ။
`နေအုံး... စပီကာ အသံကို အရင်ဆုံးတိုးပြီးမှ ပိတ်´
ကျွန်မ ကွန်ပျူတာပိတ်ခါနီးတိုင်း မောင်ပြောနေကျ စကားလေးတစ်ခွန်းပါ။
`အသံတိုးပြီး ပိတ်တာနဲ့ မပိတ်တာ ဘာများခြားလို့လဲ´
မောင် က
`ဒါလေးတောင် မသိဘူးလား၊ ဒါမှ စပီကာ မပျက်မှာပေါ့...´
ပြောပြီးတာနဲ့ ဆရာကြီးအထာနဲ့ မောင် က ကျွန်မခေါင်းကို ပုတ်ပြီး ဆံပင်တွေကို ဖွသွားလေ့ရှိတယ်။

x x x x x x x x x x x x x

ဖန်ခွက်ကို လှမ်းယူပြီး ကြည့်လိုက်တော့ ဖန်ခွက်ထဲက ရေခဲတုံးတွေ အရည်ပျော်ပြီး Coca-Cola တွေနဲ့ အတူ ရောသွားပြီ။ အမြှုပ်လေးတွေလည်း မရှိတော့။ တစ်ဝက်သာသာ ဖန်ခွက်ထဲမှာ ကျန်သေးပေမယ့် ကျွန်မ သွန်ပစ်လိုက်တယ်။ ဖန်ခွက်ထဲကို နောက်ထပ် ရေခဲတုန်း တစ်ဝက်လောက်ထည့် ပြီးမှ Coca-cola ကိုထည့်ပြီး ဖန်ခွက်ကို အသာအယာ လှုပ်လိုက်တယ်။ ရေခဲတုံးနဲ့ ဖန်ခွက်နဲ့ ထိပြီး ထွက်ပေါ်လာတဲ့ အသံက ကျွန်မ ရင်ဘတ်တစ်ခုလုံး အေးမြသွားစေတယ်။

မောင်နဲ့ ကျွန်မ မတွေ့ခင်အထိ Coca-Cola ကို ကျွန်မ သောက်လေ့မရှိဘူး။
`တခွက်လောက်သောက်ပါလား´ ဖန်ခွက်ကို ကိုင်ပြီး မောင်က လာမေးတယ်။
`ဟင့်အင်း.. သောက်တော့ဘူး၊ မောင် ပဲသောက်´
`နွေရာသီဆိုတာ အခုလို ကိုကာကိုလာ အေးအေးလေးသောက်လိုက်မှ နွေပီသ တာ။
နောက်ပြီး ဒီတိုင်းသောက်တာထက် ရေခဲတုံးလေးတွေထည့်သောက်ရတယ်၊ ဒါမှ သိပ်လည်း မစူးတော့ဘူး၊ သိပ်လည်း မချိုတော့ဘူး´
ပြောပြီးတာနဲ့ မောင် က ကျွန်မသောက်ဖို့ အသစ်တစ်ခွက်ထည့်ပေးတယ်။
`သောက်ကြည့်... ချစ် ကို ကိုယ် မလိမ်ဘူး´
ပထမ တစ်ငုံရဲ့ အေးစက်ခြင်းက နွေရာသီ တစ်ခုလုံးကျွန်မ ဘေးက ပြေးထွက်သွားသလို ခံစားရတယ်။ Coca-Cola အေးအေးလေးကို သောက်တိုင်း ခုထိ အဲ့ဒီ့ အေးစက်ခြင်း ကို ခံစားရတုန်းပဲ။

အခုတော့
အအေးတခွက်ရဲ့ အေးစက်ခြင်း အပြင် မောင် ရဲ့ အေးစက်ခြင်းတွေ။

နှစ်တွေကြာပြီးနောက် ကျွန်မ တို့ နှစ်ယောက်လမ်းခွဲခဲ့ကြတယ်။ ဘာမှ ကြီးကြီးကျယ်ကျယ် မောင် နဲ့ ကျွန်မ ရန်မဖြစ်ခဲ့ပါဘူး။
မောင် က သူ့ရဲ့ အင်္ကျီတွေယူသွားတယ်။ မောင် သိပ်ကြိုက်တဲ့ စိုင်းစိုင်းခမ်းလှိုင်ရဲ့ သီချင်းခွေတွေယူသွားတယ်။ နောက်ပြီး... မောင်... ကျွန်မရဲ့ အချစ်တွေကို ယူသွားတယ်။

မောင်... ကျွန်မ အတွက် ထားခဲ့တာဆိုလို့ မောင် ရဲ့ `အကျင့်´တွေပဲရှိတယ်။

အခု... ကွန်ပျူတာ ပိတ်ခါနီးတိုင်း စပီကာရဲ့ အသံကို လျော့တတ်နေပြီ။
နွေရာသီရောက်တိုင်း... ရေခဲတုံးလေးတွေနဲ့ ကိုကာကိုလာ သောက်တတ်နေပြီ။


ဒါပေမယ့်...
မောင်ရဲ့ အကျင့်လေး တွေကို... အနာဂတ်ရဲ့ တစ်နေ့နေ့ကျရင်
မောင် မဟုတ်တဲ့ တခြားတစ်ယောက်ဆီမှာ... ကျွန်မ... တိတ်တိတ်လေး ထားခဲ့ချင် ကောင်း ထားခဲ့နိုင်တယ်။

အဲ့ဒီ့
တစ်နေ့နေ့ကျရင်...
ကျွန်မ ... မောင့် ကို... မေ့သွားလောက်ပါရဲ့။


( လမ်းခွဲပြီးနောက်... ယူမသွားဘဲ ချန်ထားခဲ့တာ `အကျင့်´ ဆိုတာများလား။)

Credit to သိုးငယ်