ဘဒ္ဒန္တ တိက္ခဥာဏာလင်္ကာရ added a photo from November 12, 2013 to his timeline.
........
ပလုပ် ဗြုန်းရယ်နဲ့
တောင်ကုန်းရွာ သာစခန်းဆီက
ဒေါ်ရွှေမေ ဦးရေချမ်း ငယ်တို့
သာသနာ ဝါဝါလန်းရန် တဲ့
ဆန်းလိုက်တဲ့ ဗြောသံစည်။ ။
-အလို၊ နေခြည်မှာ ရွှေရည်ဝင်းလို့
ဆယ်စင်းလဲမက
အဝေးက မှန်း၊ ဟိုရွာလမ်း
ထီးတန်းကြီး လှပါဘိ-
“တလတာ သည်အရေးကိုလှ
မဟဝါ ကြည်ကြည် ပေးပါ” တဲ့
ရတုချို စိတ်ကို သွေးလေတော့
မလေးမောင် ရွှေရောင်ငိုက်တဲ့ပြင်
မြင်းကဏ်ပင် ငြင်းဆန်မိုက်လေပေါ့
လွမ်းခိုက် မတည်။ ။
-မကြည်တဲ့နှလုံး၊ မပြုံးတဲ့မျက်နှာ
မြင်းပေါ်က မောင်ရင်လောင်း
ငဲ့စောင်းလို့ ကြည့်သောခါ-
ကညာလုံ ကြာမုံညွတ်ဟာဖြင့်
ယမ်းယောင်ကာ ကွမ်းတောင် လွတ်တဲ့ပြင်
“မတွယ်တာ ဆယ်ခါ လွှတ်မယ်” တဲ့
ဒေါချိုချို ပြောဆိုရွတ်လေပေါ့
စိုစွတ်တဲ့ မြမျက်ရည်
လည်တယ်လို့ မဆုံး။ ။
-ဗြုန်းနိုင်ပေ့ ကိုရွှေစည်
တီနိုင်ပေ့ ကိုရွှေနှဲ
ရွှဲနိုင်ပေ့ ကိုရွှေမောင်
လုံမငယ် အရှက်အိုးမို့ 
အငြိုးနဲ့  ပြောင်ရော့ထင့်-
“လှောင်ချက်ကယ် နာ
မောင်မျက်နှာ တရွာမှတ်ပေမဲ့
သာသနာ ဝါဝါဝတ်မှာမို့ 
မယ်လွတ်ရာ ဘယ်ဆီ ခိုရပ
တလဆို ရက်ကိုချဉ်းပါဖျ”
ဘွာခတ်ကာ ခမျာ ငြင်းလေတော့
သျှောင်ကြီးရှင် ဆံပင်တင်းပြီကွဲ့
ညှဉ်းတဲ့ တုတ်ဗြုန်း။ ။
မင်းသုဝဏ်
(၂၃၊ ၃၊ ၁၉၃၄)
http://www.youtube.com/ watch?v=bpVpI81IoE4&list=PLD47E 57BD04485B8F
http://www.youtube.com/ watch?v=tPi87AnLtzI
http://www.youtube.com/ watch?v=iKYtiMfqOTA
http://www.youtube.com/ watch?v=vHNuy4gFkos
http://www.youtube.com/ watch?v=vCjKHCRZppI
http://www.youtube.com/ watch?v=lSymyuHspIA
= = =
တိုးအေးပေါ်မှ အို မိခင်
...............................
မမျှော်မလင့်၊ မိုးကြိုးသင့်သို့
ရင်နင့်ဖွယ်ရာ၊ သည်းဆတ်ခါမျှ
ကြမ္မာကံဆိုး၊ လွမ်းဇာတ်ပျိုးသည်
တိုးအေးနစ်သော ထိုတစ်နေ့။
ထိုနေ့မှသည်၊ ညညနေ့နေ့
မြင်တွေ့မကောင်း၊ သည်ဖြစ်ကြောင်းမှာ
အလောင်းထပ်မျှ၊ မြင်ခဲ့ရ။
နေ့ရက်လျား၍
ဆယ့်ငါးရက်မြောက်၊ ခါချိန်ရောက်မှ
ရေအောက်ကဖော်၊ “တိုးအေး” ပေါ်ဝယ်
ညှိုးလျော်ကြေကွဲ၊ မိခင်ဇွဲကို
အသဲနင့်ဖွယ် မြင်ရသည်။
အရိုးစုမျှ၊ ကြွင်းသော်မှပင်
ချစ်လှရင်သွေး၊ သူ့ကလေးအား
ထွေးဆဲပိုက်ဆဲ၊ ယုယဆဲ ဟု
သဲသဲမဲမဲပြနေသူ။
ရေစီးကလှုပ်၊ လှိုင်းကပုတ်၍
စုပ်သည့်ရေမွှား၊ စားသည့်ရေပိုး
အကြောင်းဆိုးလည်း
တိုးကာ ကပ်ကာ၊ မေ့သည်းချာအား
မကွာမကွဲပိုက်ပွေ့ဆဲ။
အို မိခင်
သင် ဘေးကင်းရာ
ကူးခပ်ပါ၍၊ လွတ်ရာအဝေး
ပြေးနိုင်ပါလျက်၊ မပြေးရက်၍
အသက် စတေး လိုက်ရော့သလား။
အို မိခင်
“ကိုယ်လျှင်မချိ၊ အမိသော်လဲ
သားတော်ခဲ” ဟု
စွဲလာဆိုထုံး၊ စကားလုံးကို
ချေမှုန်း တော်လှန် လိုက်ရော့သလား။
အို မိခင်
သင်နှင့်အတူ၊ သင့်သည်းအူနှယ်
ရည်တူပြည့်သိပ်၊ “မိခင်စိတ်” ဖြင့်
ယိုဖိတ်မေတ္တာ၊
စေတနာကို
ခါခါ ဦးညွှတ်လိုက်ပါ၏။
သမိန်သောင်း
မြဝတီမဂ္ဂဇင်းအယ်ဒီတာအဖွဲ့ဝင်
............................................
၁၉၇၃ ခုနှစ် ရန်ကုန်-ဒလကူး တိုးအေးသင်္ဘောနစ်မြုပ်စဉ်က
တကယ့်ဖြစ်ရပ်မှန်
......................
ဆရာကြီး ဦးသုခ ၏ မင်္ဂလသုတ်အဖွင့်
စာမျက်နှာ ၁၂၃-၁၂၅ နှင့်
ချစ်စံဝင်း၏ အမေနှင့်အမေ့အကြောင်း ဖတ်ပါရန်
https://www.box.com/s/4ty7a7mpap0u91w20k3s
= = =
Shwe Tun
အနန္တ သူရိယ အမတ်ကြီး ၏
အမျက်ဖြေ အလင်္ကာ။
သူတည်းတစ်ယောက်
ကောင်းဖို့ရောက်မူ
သူတစ်ယောက်မှာ
ပျက်လင့်ကာသာ
ဓမ္မတာတည်း။
ရွှေအိမ်နန်းနှင့်
ကြငှန်းလည်းခံ
မတ်ပေါင်းရံလျက်
ပျော်စံရိပ်ငြိမ်
စည်းစိမ်မကွာ
မင်းချမ်းသာကား
သမုဒ္ဒရာ
ရေမျက်နှာထက်
ခဏတက်သည့်
ရေပွက်ပမာ
တသက်လျာတည်း။
ကြင် နာ သနား
ငါ့အား မသတ်
ယခု လွှတ်လည်း
မလွတ်ကြမ္မာ
လူတစ်ကာတို့
ခန္ဓာ ခိုင်ကြည်
အတည် မမြဲ
ဖေါက်လွဲတတ်သည်
မချွတ်စသာ
သတ္တဝါတည်း။
ရှိခိုးကော်ရော်
ပူဇော်အကျွန်
ပန်ခဲ့တုန်၏
ခိုက်ကြုံဝိပါက်
သံသာစက်၌
ကြုံလတ်တုံမူ
တုံ့မယူလို
ကြည်ညိုစိတ်သန်
သခင် မွန်ကို
ချန်ဘိစင် စစ်
အပြစ်မဲ့ရေး
ခွင့်လျှင်ပေး၏
သွေးသည် အနိစ္စာ
ငါ့ခန္ဓာတည်း။
= = =
ဘယ်စီဝင်လို့အိပ်ပါ့မယ်
************************
လာလမ်းဆီသို့.....
အထုတ်ကိုယ်စီပိုက်ကာချီ.....
လာလမ်းဆီသို့သွားကြသည်...
မလုံတလုံဝတ်ပိုင်းခြုံ.....
ဘယ်ပုံဒဏ်တို့တားပါ့မယ်.....
နေပူမိုးရွာထီးမပါ.....
ကြီးစွာဒုက္ခကြုံတော့မယ်.....
မိုးချုပ်လှပြီခရီးသည်.....
ဘယ်ဆီဝင်လို့အိပ်ပါ့မယ်.....
ဆရာတော်-ဘဒ္ဒန္တကုဏ္ဍလာဘိဝံသ
************************
လာလမ်းဆီသို့.....
အထုတ်ကိုယ်စီပိုက်ကာချီ.....
လာလမ်းဆီသို့သွားကြသည်...
မလုံတလုံဝတ်ပိုင်းခြုံ.....
ဘယ်ပုံဒဏ်တို့တားပါ့မယ်.....
နေပူမိုးရွာထီးမပါ.....
ကြီးစွာဒုက္ခကြုံတော့မယ်.....
မိုးချုပ်လှပြီခရီးသည်.....
ဘယ်ဆီဝင်လို့အိပ်ပါ့မယ်.....
ဆရာတော်-ဘဒ္ဒန္တကုဏ္ဍလာဘိဝံသ
= = =
ရုန်း ရင်း ကန် ရင်း အားမန်သွင်း။
လေထန်တိုင်းသာ ပွင့်ကြွေပါမူ
ဘယ်မှာပန်းများ ကျန်မည်နည်း။
လှိုင်းပုတ်တိုင်းသာ ကမ်းပြိုပါမူ
ဘယ်မှာမြေကြီး ကျန်မည်နည်း။
ကျရှုံးတိုင်းသာ ငိုရပါမူ
ဘယ်မှာမျက် ရည် ကျန်မည်နည်း။
အမှောင်တစ်ဝက် လင်းတစ်ဝက်သည်
တစ် ရက်တစ်ခါ ကြုံမြဲသာတည့်။
အရှုံးတစ်လှည့် နိုင်တစ်လှည့်မှာ
မျက်လှည့်ပမာ တွေ့မြဲသာတည့်။
ဘဝသည်ကား တိုက်ပွဲများပင်
လှုပ် ရှားရသော လူ့ရွာတောဝယ်……
လင်းသော မှောင်သော
အောင်သော ရှုံးသော
မုန်းသော ချစ်သော
သစ်သော ဟောင်းသော
ကောင်းသော ဆိုးသော
ညှိုးသော လန်းသော
ကြမ်းသော နုသော
ပူသော အေးသော
စောကြော စိတ်ဖြာ မနေသာပေ။
လဲရာကထ ကျရာကတက်
ပျက် ရာကဆောက် ရှေ့သို့လျှောက်၍
ရောက် ရာဘဝ အားမာန်ပြရင်း
ရုန်းရ ကန် ရမည် တကား။
ဆရာ ဦးအေးငွေ။
လေထန်တိုင်းသာ ပွင့်ကြွေပါမူ
ဘယ်မှာပန်းများ ကျန်မည်နည်း။
လှိုင်းပုတ်တိုင်းသာ ကမ်းပြိုပါမူ
ဘယ်မှာမြေကြီး ကျန်မည်နည်း။
ကျရှုံးတိုင်းသာ ငိုရပါမူ
ဘယ်မှာမျက် ရည် ကျန်မည်နည်း။
အမှောင်တစ်ဝက် လင်းတစ်ဝက်သည်
တစ် ရက်တစ်ခါ ကြုံမြဲသာတည့်။
အရှုံးတစ်လှည့် နိုင်တစ်လှည့်မှာ
မျက်လှည့်ပမာ တွေ့မြဲသာတည့်။
ဘဝသည်ကား တိုက်ပွဲများပင်
လှုပ် ရှားရသော လူ့ရွာတောဝယ်……
လင်းသော မှောင်သော
အောင်သော ရှုံးသော
မုန်းသော ချစ်သော
သစ်သော ဟောင်းသော
ကောင်းသော ဆိုးသော
ညှိုးသော လန်းသော
ကြမ်းသော နုသော
ပူသော အေးသော
စောကြော စိတ်ဖြာ မနေသာပေ။
လဲရာကထ ကျရာကတက်
ပျက် ရာကဆောက် ရှေ့သို့လျှောက်၍
ရောက် ရာဘဝ အားမာန်ပြရင်း
ရုန်းရ ကန် ရမည် တကား။
ဆရာ ဦးအေးငွေ။
No comments:
Post a Comment