မုသားမပါလင်္ကာမချော
Myanmar
Online News Thursday, October 31, 2013
တညနေမှာ…
လင်မယားနှစ်ယောက် ရုပ်ရှင်သွားကြည့်မလို့ ပြင်ဆင်နေကြတယ်။
အားလုံးပြင်ဆင်ပြီးတော့ မွေးထားတဲ့ ကြောင်တွေကို
အိမ်ပြင်ဆွဲထုတ်ရသေးတယ်။
လူမရှိတုန်း ကြောင်တွေကို အိမ်ထဲပိတ်ထားခဲ့ရင်
ချေးပါသေးပေါက်နဲ့ ပြန်လာရင် တအိမ်လုံးနံစော်နေတာ
ကြောင်အားလုံးကို အပြင်ထုတ်ပြီးလို့
တံခါးပိတ်မယ်လုပ်နေတုန်း ကြောင်မကြီးတစ်ကောင်က အိမ်ထဲကို
လှစ်ကနဲပြန်ပြေးဝင်သွားတယ်
ဒါနဲ့… …
ယောက်ျားလုပ်သူက အဲဒီကြောင်မကို လိုက်ဖမ်းဖို့
အိမ်ထဲပြန်ဝင်သွားတယ်၊ မိန်းမလုပ်သူက တက္ကစီတစ်စီးကို တားထားပြီး စောင့်နေတယ်
စောင့်ရတာ နည်းနည်းကြာတော့ တက္ကစီသမားက မေးတာပေ့ါ… …
“ဘယ်သူ့စောင့်နေတာတုန်း အစ်မကြီး”
“အစ်မယောက်ျားကိုပါကွယ်”
“သူက ဘာလုပ်နေတာတုန်း”
အိမ်မှာ ဘယ်သူမှ ကျန်မနေဘူးဆိုတာ သူများကို
ပေးမသိစေချင်တာနဲ့ လိမ်ပြီးပြောလိုက်တယ်… …
“ဟိုလေ… ဟိုဟာ၊ အစ်မရဲ့အမေက အပေါ်ထပ်မှာ အိပ်နေတာကွဲ့၊
အဲဒါကို သွားနုတ်ဆက်နေတာ”
“အော်… အော်”
ခဏနေတော့ ယောက်ျားဖြစ်သူ ရောက်လာပြီး စိတ်တိုနေတဲ့
မျက်နှာပေးနဲ့ ပြောတယ်… …
“ကမြင်းမက ကုတင်အောက် ဝင်ပုန်းနေတာလေ၊
တံမြက်စည်းရိုးနဲ့ သုံးလေးချက် ဆောင့်ထိုးလိုက်မှ ထွက်လာတယ်”
“ဟင်…” ဆိုပြီး တက္ကစီသမားလည်း မောင်းပြေးရော…
ဟာသဗိမာန်-ဆရာသန်
သန်၎ကို-ဘာသာပြန်သည်
No comments:
Post a Comment