မိန်းမဟူသည်...
လင်မယားနှစ်ယောက် ကိုယ်ပိုင်ကားနဲ့ ခရီးထွက်လာတယ်
လမ်းခုလတ် ထမင်းဆိုင်မှာ ကားခဏရပ်ပြီး ထမင်းစားကြတယ်။
ထမင်းစားပြီးလို့ ပြန်ထွက်လို့ အတော်လေးလည်း
မောင်းမိရော ယောက်ျားလုပ်သူက ပြောတယ်… ..
“ဟာ… မိန်းမရေ၊ ခုနက ထမင်းဆိုင်မှာ ငါ့ဦးထုပ်
မေ့ကျန်ခဲ့ပြီကွာ၊ သွားပြန်ယူမှပဲ”
… ဆိုပြီး ကားကိုနောက်ပြန်လှည့်ပြီး မောင်းလာခဲ့တယ်။
အဲ…
ပြန်ကွေ့ပြီးမောင်းလာရာ လမ်းတစ်လျှောက်မှာ
မိန်းမလုပ်သူက ပွစိပွစိနဲ့ မြည်တွန်တောက်တီးပါလေရော… …
“ရှင် ဟာလေ၊ အမြဲတမ်း နမော်နမဲ့နဲ့၊ ဘာလုပ်လုပ်
သတိလေးထားရတယ်"
“အေးပါကွာ”
“အဲလို့ မေ့လျော့တယ်ဆိုတာ ကောင်းတာမဟုတ်ဘူး ရှင့်”
“အေးပါကွာ”
“ခု ကြည့်စမ်း၊ အချိန်လည်းကုန်၊ ဆီလည်းကုန်၊
ခရီးလည်းဖင့်၊ လူလည်းပင်ပန်း”
“အေးပါကွာ”
“#$@%^&*^%$”
“အေးပါကွာ”
“@#$!@!@!@*&&”
“အေးပါကွာ”
ဒီလိုနဲ့...
ခုနကဆိုင်ကို ရောက်တော့ ယောက်ျားလုပ်သူ ဆင်းသွားပြီး
သူ့ဦးထုပ်ကို သွားယူတယ်။
ပြန်လာတော့ ကားထဲမှာ မျက်နှာစူအောက်အောက်နဲ့
ထိုင်စောင့်နေတဲ့ သူ့မိန်းမရဲ့ပေါင်ပေါ်ကို ပစ္စည်းတစ်ခု ပစ်ချလိုက်ရင်း ပြောတယ်… …
“အဲဒီမှာဟေ့… ဆိုင်ရှင်က ပြန်ပေးလိုက်တာ၊
စာပွဲပေါ်မှာကျန်ခဲ့တဲ့ မင်းရဲ့ပိုက်ဆံအိတ်”
“ရွှမ်…”
သန်၎ကို-ဘာသာပြန်သည်။
No comments:
Post a Comment