ဂျင်း နှင့် ဆီးသီး
တစ်နေ့က စာလေးနှစ်ပုဒ်ဖတ်ဖြစ်တယ်။
ဂျင်းအကြောင်းနဲ့ ဆီးသီးအကြောင်းပါ၊
Thursday, October 31, 2013
မိန်းကလေးတွေအတွက် သင့်တော်မယ်ထင်လို့ လွယ်ကူတဲ့နည်းလေး
ကျွန်မကိုယ်တိုင်လည်း လုပ်နေတဲ့နည်းလေး မျှဝေလိုက်မယ်နော်။
ထွေထွေထူးထူးတော့မဟုတ်ပါဘူး.. ဂျင်းဆိုတာ
ဆေးဖက်ဝင်မှန်းအားလုံးသိကြပါတယ်။ မြန်မာအစားအစာထဲက ဂျင်းသုပ်ဆို
လူကြိုက်များကြတယ်။ ဂျင်းတွေအမြဲစားပေးရင် ခန္ဓာကိုယ်အတွက်ကောင်းတယ်ဆိုတာ
သိကြပါတယ်။ အခုပြောတဲ့နည်းကလည်း လွယ်လွယ်လေးပါပဲ။ ဂျင်းအစိမ်းအနည်းငယ်ကို
အနစ်ဖြစ်အောင်လုပ်၊ ခွက်တစ်လုံးထဲထည့်ပြီး ရေနွေးပူလောင်းထည့် ပျားရည်တစ်ဇွန်းထည့်
မွှေ... အဲဒီပျားဂျင်းရည်ကို မနက်တစ်ခါ၊ ရေချိုးခါနီးတစ်ခါ တစ်နေ့ကို
၂ကြိမ်သောက်ပေးရင် ကိုယ်ရေစစ်တယ်တဲ့။ ၂လဆက်တိုက်သောက်ရင် ကိုယ်အလေးချိန်လျော့တယ်၊
အသားအရည်လှတယ်၊ တစ်နှစ်ဆက်တိုက်သောက်ရင် အသက်ကြီးပိုင်းလူတွေမှာရှိတတ်တဲ့
လူအိုတင်းတိပ်လို့ခေါ်မလား လက်ဖမိုး၊ လက်မောင်းတွေမှာဖြစ်တတ်တဲ့အမည်းကွက်တွေ
လျော့သွားနိုင်သလို ပျောက်သွားနိုင်တယ်တဲ့။ အထူးသဖြင့် ဆောင်းတွင်းမှာ လက်ဖျား၊
ခြေဖျားအေးတတ်သူတွေအတွက် အကောင်းဆုံးဖြစ်ပါတယ်။ ကျွန်မက ဆောင်းတွင်းဆိုရင်
ခြေဖျားအေးတတ်တာကြောင့် လုပ်သောက်နေတာ ၃ ရက်ရှိသွားပါပြီ။ သိသာပါတယ်..
နောက်တစ်ခုက ဆီးသီးခြောက်ပြုတ်ရည်... ဆီးသီးက
မြန်မာပြည်မှာလည်း တော်တော်ပေါတယ်။ မြန်မာမှာကျတော့ ဆီးယိုထိုးတာ၊ ဆီးပြားလုပ်တာ၊
အစိမ်းစားတာလောက်ပဲရှိတယ်။ တချို့ကျတော့ ဆီးသီးကို ဟင်းရည်ထဲ
ထည့်ပြုတ်တာတို့လုပ်တာပေါ့။ ဆီးသီးက သံဓာတ်၊ သကြားဓာတ်၊ ဗီတာမင်တွေ
ပေါပေါများများ ပါဝင်တာကြောင့် လစဉ်ဓမ္မတာ လာတတ်တဲ့ မိန်းကလေးတွေအတွက်
အရမ်းသင့်တော်ပါတယ်။ ဆီးသီးခြောက်ပြုတ်ရည်ကို တစ်လလောက် အမြဲသောက်သုံးပေးရင်
အသားအရည် သိသိသာသာပြောင်းလဲလာတယ်လို့ ဆိုတယ်။ အသားအရည်စိုပြေဝင်းပလာတယ်။
မွဲခြောက်ခြောက် အသားအရည်ကို ပန်းရောင်သန်းစေတယ်ပေါ့။
ဆီးသီးခြောက်ပြုတ်ရည် လုပ်တာ လွယ်ပါတယ်။
ဆီးသီးခြောက်တွေကို တရုတ်ဆိုင်တွေမှာ ဝယ်ယူလို့ ရပါတယ်။ လုပ်နည်းက ဆီးသီးခြောက်ကို
ရေသေချာဆေးပြီး အိုးတစ်လုံးထဲထည့် ရေထဲပြီး နာရီဝက်လောက် ပြုတ်လိုက်ရုံပဲ။ အရည်ကို
အအေးခံပြီးပဲ သောက်သောက် ပူနေတုန်းပဲ သောက်သောက်ပေါ့။ များများပြုတ်ပြီး
ပုလင်းထဲထည့် ရေခဲသေတ္တာထဲ သိမ်းထားပြီး ရေသောက်သလို သောက်လို့လည်းရတယ်။ ဒါပေမယ့်
အအေးက မိန်းကလေးတွေနဲ့ သိပ်မတည့်တာမို့ အနွေးဖြစ်ဖြစ် မအေးတာပဲဖြစ်ဖြစ်
သောက်တာပိုကောင်းမယ်လို့ ထင်ပါတယ်။
ခန္ဓာကိုယ်အတွက်ကောင်းတဲ့ သဘာဝပစ္စည်းတွေမို့
သောက်ကြည့်ကြရအောင်ပေါ့နော်။ တအားလှသွားကြရင်တော့ ကျေးဇူးမမေ့နဲ့ပေါ့နော်
*** ယောက်ျားလေးတွေလည်း သောက်နိုင်ပါတယ်
Nine Nine Sanay @ နိုင်းနိုင်းစနေ
No comments:
Post a Comment